منير محمد الجهني

يقول ابن الشهيد: بيي مواليد ١٩٥٥ متقاعد من عام ٢٠٠٧ عمرو ٧٠ سنه. نحنا كنا بالبيت انا واخي وعوائلنا واختي وكنا منتقلين من الشام من كم يوم فقط وكلنا قاعدين ببيت اهلي بعد جسر القرداحة ب٥٠٠ متر ويوم ٧ اذار ٢٠٢٥ وهجوم الفصائل والحشود المسلحة من مدنيين ومتطرفين وارهابيين على الساحل كان والدي بالبيت وهوي مريض قلب واحتشاء دماغي ومشيته بطيئا جدا نحنا هربنا مع اولادنا شي بالمتور وشي ركض بوقت بيي رفض يطلع وماقدر يمشي او يركض وكان القتل والتصفيات عالطريق عند جسر القرداحة وصل فصيل وبيي واقف جنب البيت قوصو بضهرو رصاصة وفاتو نكشو البيت وكسروه وراحو ونزلت مرة عمي وشافتو لبيي ماكان ميت قلها تعبان كتير قالتلو خليك متسطح لاتتحرك ومافيها ضلت وطلعت لبيتها عم تتفرج عليه كان وصل فصيل تاني بعد شي ١٠ دقايق وهوي بيي مرمي عالارض بين الموت والحياة قام شخص باطلاق ٤ رصاصات عليه نحنا هون كنا صرنا بمطار حميميم والاخبار عم تجيني طبعا ضل بيي مستشهد ومرمي جنب بيتنا ٤ ايام لحتى ابن عمي وعمي طلعو من اللاذقيه مع الهلال الاحمر يلي عطاهن ربع ساعة بكونو دافنينو وبس بدون صوت وبدون تشييع ونحنا متل ماطلعنا من بيتنا يلي دمروه وسرقوه وحرقو وكسرو في. وبعد ماندفن بيي جنب البيت بسرعة رجعو عمامي بعد كم يوم طالعوه و اخدوه عالمقبرة ودفنو لان جنب البيت ندفن كيف ماكان لانهم ماسمحو بالدفن وعالسريع.